Një skuadër me probleme e Manchester Cityt do të përballet me Juventusin në Ligën e Kampionëve të mërkurën mbrëma, pasi Pep Guardiola ka 12 lojtarë jashtë fushës për udhëtimin e tyre në mesjavë në Torino.
Man City është në një formë delikate si në Angli ashtu edhe në Evropë. Ka qenë ecuria më e keqe e Guardiolas si trajner në fakt, pasi Qytetarët kanë marrë vetëm një fitore nga nëntë ndeshjet e fundit në të gjitha garat.
Kampionët në fuqi të Ligës Premier u penguan në barazim 2-2 kundër Crystal Palace në daljen e tyre të fundit në ligë, një lojë që pati disa mungesa të dukshme.
Fituesi i Topit të Artë, Rodri është ende jashtë fushës për shkak të një dëmtimi afatgjatë në gju. Phil Foden ishte gjithashtu i padisponueshëm kundër Crystal Palace.
Po ashtu jashtë fushe mbeten edhe John Stones, Manuel Akanji, Nathan Ake, Matteo Kovacic dhe Oscar Bobb.
Sipas La Gazzetta dello Sport, asnjë nga këta shtatë lojtarë nuk do të jetë në dispozicion për t’u përballur me Juventusin të mërkurën mbrëma.
Ndërkohë, Juventusi ka marrë një nxitje të dyfishtë në mesfushë, pasi Douglas Luiz dhe Ëeston McKennie janë rikthyer.
Andrea Cambiaso gjithashtu mund të hyjë në skuadër, por nuk pritet të fillojë.
