Pas dy humbjeve radhazi në Champions League, Reali i Madridit reagoi duke fituar 3-2 në transfertë përballë Atalantës.
“Ky sukses na lejon të shikojmë përpara me një pozitivitet më të madh. Hyrja mes tetë më të mirave mbetet ende e komplikuar. Jemi shumë të lumtur. Kjo fitore shkon përtej tre pikëve”, tha tekniku i madrilenëve.
“Ne ofruam versionin tonë më të mirë, duke ditur të luftojmë dhe të vuajmë. Dëmtimi i Kylian nuk duket të jetë serioz. Fatkeqësisht, mungesat janë të shumta, kjo nuk na lejon të performojmë në mënyrën më të mirë. Atalanta na bëri të vrapojmë shumë”, ka deklaruar pas ndeshjes trajneri i Realit, Carlo Ancelotti.
