Gjatë emisionit “DAZN Serie A”, Masimo Ambrozini, ish-kapiteni i kuqezinjve, foli për kampionatin e deritanishëm të Milanit me ulje-ngritjet e tij, duke deklaruar:
“Ndër skuadrat që duhej të kishin një kampionat të një lloj natyre, Milani është ai që po vuan më shumë në raport me cilësinë e organikës. Për mua është një ekip i fortë, Milani ka lojtarë të cilësisë së lartë dhe elementë që kanë një potencial të cilin nuk e kanë shprehur ende me fuqi të plotë.
Për shembull, Juventusi nuk ka sulmues, Milani ka Abrahamin dhe Moratën. Madje, edhe individë si Loftus-Çiku, i cili bëri mirë në Bergamo dhe është një alternativë ndaj titullarëve që sivjet nuk ka dhënë sa pritej. Milani ka katër qendërmbrojtës të vlefshëm.
Mund të flasim për Teon dhe Leaon sa të doni, por në ditët e tyre të mira ata nuk kanë konkurrentë. Nga pikëpamja e forcës së skuadrës dhe e asaj që ata kanë treguar në fushë, është një ekip që ka bërë pak nga sa mund të bënte”.
PANORAMASPORT.AL
