Është në Zyrih shorti i ndeshjeve kualifikuese të Kupës së Botës 2026. Shqipëria, që bënte pjesë në vazon e tretë, ka mësuar emrat e kundërshtarëve që do të ketë përballë në rrugëtimin drejt Botërorit 2026.
Goglat nuk kanë qenë shumë bujare me kombëtaren kuqezi, që bën pjesë në Grupin K dhe do të ketë kundërshtarë Anglinë (Vazo 1), Serbinë (Vazo 2), Letoni (Vazo 4) dhe Andorrën (Vazo 5).
16 kombëtare të UEFA-s do të garojnë në finalet e Kupës së Botës 2026, që do të zhvillohet në Kanada, Meksikë dhe Shtetet e Bashkuara dhe ku do të marrin pjesë 48 ekipe.
Në total, 16 kombëtare të UEFA-s do të kualifikohen për Kupën e Botës 2026. 12 fituesit e grupeve kualifikohen direkt në Kupën e Botës; katër vendet e mbetura përcaktohen nga Play-Off-et që përfshijnë 12 skuadra e dyta të grupeve.
Ndeshjet kualifikuese evropiane për Kupën e Botës FIFA 2026 janë planifikuar të fillojnë në mars të vitit 2025 dhe të përfundojnë me Play-Off-in në mars të vitit 2026.
