Ish-sulmuesi i Kombëtares, Altin Rraklli, në lidhje “Skype” në Syri TV komentoi shortin e eliminatoreve të Botërorit 2026, ku kuqezinjtë do të luajnë në Grupin K kundër Anglisë, Serbisë, Letonisë dhe Andorrës.
“Para se të dal tek emrat e ekipeve, mund të them se futbolli është bërë tepër i balancuar, çdo skuadër di të luajë futboll. Dinë të luajnë në fazën mbrojtëse dhe nuk pësojnë shume shpesh golin. Është e vështirë të fitosh kundër të voglave. Nuk ka rëndësi cilin kë përballë, por duhet të japësh maksimumin ndaj çdokujt.
Kalojmë te shorti. Mendoj se nuk ishim me fat. Në vazon e parë na ra skuadra më e fortë, që ka detyrim fitimin e Botërorit si Anglia.
Edhe Serbia duhet të ishte në vazon e parë, ka qenë gjithnjë nga skuadrat më të mira të Europës. Pra, nuk ishim me fat. Skuadrat e tjera, duhet t’i mundim patjetër, Letoninë dhe Andorrën.
E vetmja mundësi e jona është të sulmojmë Anglinë për vendin e parë. Na pret një punë e jashtëzakonshme. Nuk ka asgjë të pamundur në futboll”, deklaroi Rraklli.
