Futbollistët e Atletico Madrid kanë shënuar sot fitore të vështirë në terrenin vendës kundër Getafes, në kuadër të xhiros së 17-të të La Ligës së Spanjës.
Madrilenët deri te pikët e reja dhe barazimin me Barcelonën në krye të tabelës me nga 38 pikë, arritën me golin e norvegjezit Alexander Sorloth në minutën e 69-të, pas asistimit të Nahuel Molina.
Kjo është fitorja e 11-të për rivalin e madh të Real Madridit në këtë edicion të garave.
Getafe ndërkaq renditet pranë zonës së rrezikshme në pozitën e 15-të me 16 pikë.
Lideri aktual Barcelona pret sonte nga ora 21:00 skuadrën Leganes dhe në rast fitoreje do të shkëputet me tri pikë në krye të tabelës.
