Sytë e “Zonjës së Vjetër” janë fokusuar drejt golashënuesit më të mirë të Serisë B. Prezenca e skautëve të Juventusit në ndeshjet e Cesenës në më shumë se një rast javët e fundit nuk ka kaluar pa u vënë re.
Në qendër të vëmendjes është sulmuesi shqiptar Cristian Shpendi. 21-vjeçari, në sezonin e tij të parë në këtë kategori, po i magjeps të gjithë. Me gola. Tashmë ka shënuar 10 në 16 paraqitje, falë të cilëve Cesena ngjitur në vendin e katërt. Jo keq për një lojtar të sapo promovuar. Aq sa disa klube të rëndësishme kanë dërguar emisarët e tyre për ta studiuar drejtpërdrejt. Nga Fiorentina te Napoli, duke kaluar nëpër klube angleze, deri tek Juve. Shumë u magjepsën nga sulmuesi, i cili sezonin e kaluar ishte golashënuesi më i mirë i Lega Pro me 20 gola.
Juventus do të mposhtë konkurrencën e madhe, duke lëvizur e para. Megjithatë, Shpendi duhet të luajë për të përfunduar procesin e rritjes dhe do të donte ta përfundonte sezonin në Cesena përpara hapit të madh në karrierë.
Cesena sapo e ka blinduar xhevahirin e saj me rinovimin deri në vitin 2028. Një lëvizje që synon të ketë më shumë forcë në negociatat me ata që do të dalin përpara për të siguruar shërbimet e sulmuesit shqiptar.
