Raul Kaneda nuk do të jetë më asistenti i Josep Guardiolës te Mançester Siti. Sipas medieve spanjolle Kaneda është kandidati numër një për të marrë drejtimin e Zhejiang FC nëse do të largohet Hordi Vinials.
55-vjeçari është intervistuar nga drejtues të klubit kinez, të cilët kanë udhëtuar pak ditë më parë drejt Mançesterit për të mundësuar këtë takim.
Ekipi në fjalë mbylli Superligën Kineze (CSL) në vendin e shtatë në kuotën e 38 pikëve. Kandidatura e Kanedës shikohet me mjaft interes nga drejtuesit e skuadrës pasi ai ka një eksperiencë të madhe edhe me skuadrat jashtë Europës.
