Besëlidhja mori fitoren e dytë në po kaq ndeshje të ligës unike tek meshkujt për sezonin 2024-2025.
Lezhjanët mundën në pallatin e sportit Asllan Rusi, Bashkimin e Kosovës me rezultatin 81 me 77.
Duel i bukur dhe i luftuar fort ai i zhvilluar në Tiranë me miqtë që udhëheqin periodën e parë me rezultatin minimalist 20 me 19.
Mirëpo diferencën në këtë duel do ta bënte perioda e dytë, aty ku Besëlidhja fitoi thellë 29 me 15 duke shkuar në pushim me 13 pikë avantazh kundrejt rivalit të vet.
Në periodën e tretë patëm një barazim perfekt 19 me 19 i cili favorizoi ndjeshëm lezhjanët e trajnerit Afrim Bilali, pasi shkuan në periodën e fundit me një avantazh të konsiderueshëm.
Bashkimit i duhej një përmbysje e madhe e megjithë e fituan këtë periodë me 9 pikë avantazh, basketbollistët nga Prizreni u detyruan të pranojnë disfatën në këtë duel, dhe tani e shohin vetën me dy humbje në dy sfidat e para të ligës unike.
Tek Besëlidhja ai që spikati në këtë sfidë ishte Garrick me 23 pikë, ndërsa miqve nuk iu shërbyen 26 pikëve të Zeqirit.
Në krye të grupit A bashkë me lezhjanët është Vëllaznimi i Kosovës.
Gjakovarët fituan në Durrës në një ndeshje të bukur kundër Teutës me rezultatin 98 me 92.
Në grupin B tek meshkujt në ligën unik udhëheq Prishtina e vetme me 4 pikë, pasi fitoi një sfidë shumë emocionuese kundër Vllaznisë së Shkodrës në kryeqytetin e Kosovës me rezultatin e ngushte 85 me 84. Në duelin tjetër Ylli fitoi lehtë kundër Tiranës 87 me 59./vizionplus.tv
