Manchester City nuk po kalon një sezon të mirë dhe përforcimet në afatin kalimtar të janarit janë mëse të nevojshme.
Citizens kanë mbetur shumë mbrapa garës për titull në Angli, derisa Pep Guardiola synon që të përforcojë ekipin që të jetë skuadër konkuruese në Ligën e Kampionëve.
Manchester City ka identifikuar shtatë nënshkrime të mundshme për afatin kalimtar të janarit, teksa synojnë të ndryshojnë sezonin e tyre, sipas Daily Mail .
Objektivat përfshijnë Joshua Kimmich të Bayern Munich , Ederson të Atalantas dhe dyshen e Crystal Palace Adam Wharton dhe Marc Guehi për të forcuar mesfushën dhe mbrojtjen.
Në repartin ofensivë, Omar Marmoush i Eintracht Frankfurt , Jonathan David i Lille dhe Liam Delap , me një klauzolë kthimi, janë në shqyrtim.
City do të nënshkruajë gjithashtu Claudio Echeverri të River Plate, megjithëse ai pritet të kalojë pjesën tjetër të sezonit duke u integruar në skuadër.
