Ish-futbollisti i njohur italian, Aldo Agropi, ka ndërruar jetë në moshën 80-vjeçare. Ai ishte një figurë e njohur në futbollin italian, me një karrierë të shquar që përfshinte eksperiencën si lojtar në klubet Torino dhe Xhenoa, ndërkohë që gjithashtu ka veshur pesë herë fanellën e kombëtares italiane.
Pas përfundimit të karrierës si lojtar, Agropi vazhdoi të kontribuonte në futbollin italian si trajner, duke drejtuar klube të tilla si Fiorentina, Peruxhia dhe Komo.
Më vonë, ai e gjeti pasionin e tij në komentimin sportiv, duke punuar si komentues në radio dhe TV, ku u bë i njohur për pasionin dhe njohuritë e tij të thella për sportin.
Agropi vdiq mëngjesin e sotëm në spitalin e Piombinos, qyteti i tij i lindjes, ku ishte shtruar për disa ditë për shkak të një pneumonie dypalëshe. Ai ishte duke marrë trajtim intensiv për këtë sëmundje. Lajmi i ndarjes së tij ka trishtuar shumë tifozë të futbollit dhe kolegë në Itali.
/vizionplus.tv
