Ruben Amorim e vuri theksin te mentaliteti i ekipit të Manchester United, që barazoi (2-2) në Anfield, përballë Liverpoolit, në një ndeshje të shkëlqyer për raundin e 20-të të Premier League.
“E dinim që ishte një ndeshje e vështirë. Mendoj se përmirësuam mentalitetin, pozicionet, çdo herë që Liverpooli pati mundësi, ne u qetësuam dhe kishim mundësitë tona. Mund të kishim fituar, por jam më i kënaqur me mënyrën si luajtëm,” e filloi portugezin analizën e tij për mikrofonat e DAZN Portugal.
“Çfarë ndryshoi? Mentaliteti, mënyra se si e përballuam ndeshjen dhe si duam të luajmë. Ndonjëherë mund të luajmë mirë ose jo. Por mënyra se si u rikuperuam, respektuam pozicionet, vuajtëm. Pasi mbaroi ndeshja, të gjithë e panë se lojtarët e Manchester United ishin të lodhur. Nuk kemi pasur këtë ndjesi në javët e tjera,” vazhdoi ai, duke mos dashur të jepte shumë rëndësi faktit që kishte pasur më shumë kohë për të punuar me lojtarët.
Manchester United e di se do të jetë shumë e vështirë të marrë një sulmues këtë dritare dimri të merkatos, por vazhdon të jetë shumë i vëmendshëm ndaj Geovany Quenda, të cilin e kishte piketuar edhe para emërimit të trajnerit portugez.
