Nuk ka qenë një rezultat shumë i kënaqshëm barazimi i djeshëm (1-1) i Arsenalit kundër Brighton-it. Një ndeshje në të cilën “Gunners”, për ta ilustruar më mirë, realizuan vetëm nëntë gjuajtje në total dhe në rolin e sulmuesit kryesor ishte Gabriel Jesus. Një statistikë që trajneri Mikel Arteta e komentoi kështu:
“Nuk mund të mbështetesh vetëm tek një lojtar. Mendoj se, sidomos në pjesën e dytë, na kanë munguar disa elementë dhe është normale, sepse lëvizshmëria që kemi në disa zona me lojtarët që kemi nuk është e njëjtë. Por sigurisht është diçka që mund ta bëjmë shumë më mirë, dhe kjo varet nga ne”.
Për sa u përket lëndimeve në skuadër:
“Kai (Havertz) provoi të ishte në fushë, por ishte shumë i sinqertë dhe tha: ‘Nuk mund të stërvitem, nuk ndihem aspak mirë’. Kaluam një test dje për të parë nëse mund të stërvitej, dha maksimumin, por nuk arriti. Martin (Odegaard) nuk është stërvitur dhe tha: ‘Do të shoh si do të ndihem nesër’, dhe bëri gjithçka që mundi për të qenë këtu”.
