Piloti britanik i McLaren, Lando Norris, e mbylli në vendin e dytë botërorin 2024 të Formula 1 për pilotë. Ai shpresoi deri në fund të fitonte duelin me Max Verstappen, por vetëm një pjesë e dytë e mirë e sezonit nuk mjaftoi.
Edhe pse Norris nuk e realizoi ëndrrën e tij, 24 garat e vitit të kaluar sollën mjaft përvojë te piloti i McLaren. Këtë gjë e pranoi vetë piloti 25-vjeçar, që pranon se ka fituar shumë nga ana teknike e psjikologjike.
“Mendoj se ajo që mësova dhe fitova më shumë vitin e kaluar ishte vetëbesimi.
Tingëllon shumë e thjeshtë, por unë kam qenë gjithmonë tipi i kundërt i njeriut që gjithmonë kam menduar të bind veten para se të filloj të besoj në diçka”, tha Norris.
“Vjet bëra disa gabime dhe nuk luftova sa duhet me Max, por ishte një përpjekje e mirë dhe e vetmja gjë që mësova është se kam atë që duhet për ta bërë. E di që kam bërë gabime, e di se çfarë jam në gjendje të bëj dhe e di që nëse mund t’i përmirësoj këto gjëra”, shtoi britaniku.
Në fund, piloti i McLaren, që u shpall kampion për konstruktorë, komentoi: “Këtë seozn do të luftoj që në fillim për titullin kampion prë pilotë, ndaj jam i emocionuar. Jam ende me pushime, por mezi po pres sezonin e ri të nisë”.
