Liverpooli po kalon një sezon përrallor, në Premier League dhe në Champions League. Klubi anglez nuk është prekur aspak nga largimi i Jurgen Klopp dhe dëshiron të përpiqet t’i dhurojë vetes një 2025 të shkëlqyer, një vit në të cilin mund të ketë edhe një ndryshim pronësinë.
Një hipotezë mjaft e largët për momentin, sepse Fenëay Sports Group shpeshherë i ka mohuar një lajm të tillë, por këtë herë Errol Musk, babai i Elon, flet për interesimin për Reds: “Nuk mund ta komentoj këtë lajm, përndryshe do të rrisin çmimin! Po, Eloni e ka shprehur këtë dëshirë, por kjo nuk do të thotë se do ta blejë”.
“Ai padyshim që do e pëlqente. Të gjithë do ta donin, madje edhe unë. Gjyshja e tij ka lindur në Liverpool, ne kemi njerëz në Liverpool dhe kemi pasur fatin të njohim disa anëtarë të Beatles, sepse ata u rritën me disa nga familja ime”, tha ai në një koment të raportuar nga The Sun.
