Trajneri i Egnatias, Edlir Tetova, foli pas ndeshjes së vlefshme për javën e 20-të, duke iu gëzuar fitores ndaj Laçit.
“Trepikësh i rëndësishëm, sepse vinim pas dy humbjesh. Laç luajti një pjesë të parë shumë të mirë sa i përket markimit të lojtarëve tanë. Në fraksionin e dytë u krijuan rastet me Kasën dhe Bakajokon, mendoj pjesa e dytë ishte totalisht e dominuar nga ne.
Grupi tani është i plotë. Tani ngjeshen ndeshjet, se luhet edhe për Kupë. Më intereson grupi i plotë dhe lojtarët në dispozicion. Jemi munduar të rikthejmë lojtarët për të qenë sa më afër në manovër dhe drejt sulmit për të shkuar sa më rrjedhshëm. Nuk kemi nevojë për sulmues, Bakajoko dhe Jahaja mendoj do të jenë dy majat në sulm.
Më vjen mirë për Fernandon që dha asistin. Të gjithë janë të rëndësishëm se kanë dhënë topa për gol.
Duhet të gëzojmë për 3 pikët. Terreni sot nuk ishte i përshtatshëm që ne të lëviznim topin.
Kemi luajtur shpejt futboll, por sigurisht me lojtarët që kanë ardhur rritet kualiteti në mesfushë. Do shkojmë drejt portës së kundërshtarit siç kemi punuar gjatë kësaj kohe”, u shpreh Tetova.
