Gazeta italiane ka raportuar për gjendjen e Hakan Calhanoglu në prag të ndeshjes së ardhshme në kampionat kundër Venezias, duke sugjeruar se në vend të tij do të luajë Kristjan Asllani, pavarësisht kritikave të shumta në drejtim të shqiptarit për përformancën e tij në Superkupën e Italisë.
“Është e mundur që Asllani të luajë sërish nga fillimi. Edhe sepse lënia e tij jashtë do të dukej si një dështim, pas kritikave të shumta që ka marrë. Përkundrazi, kthimi menjëherë në fushë do t’i jepte mundësinë të shlyente veten. Vendimi për turkun do të merret të shtunën, para nisjes. Dhe, natyrisht, do të varet nga puna e dy ditëve të ardhshme. Në çdo rast, Calhanoglu duhet të jetë gati për ndeshjen ndaj Bolonjës më 15 janar.”
Gazetari sportiv italian, Maurizio Pistocchi, ka komentuar në një postim të një tifozi mendimin e tij për Asllanin:
“E njoh Asllanin shumë kohë para se të shkonte te Interi. Sipas mendimit tim modest, ai është më shumë një mesfushor i majtë (që shënon edhe gola), jo një organizator loje. Mos jam gabim?”
