Skënderbeu ka zyrtarizuar ditën e sotme një tjetër afrim të kësaj merkatoje. Luquinhas është tashmë lojtari më i ri i korçarëve.
Lajmimn e ka bërë të ditur kluybi nëpërmjet një postimi në rrjetet sociale.
Palët kanë firmosur kontratën mes tyre dhe braziliani do të jetë një “armë” plus për Ernest Gjokën për pjesën e dytë të sezonit.
“Luquinhas zyrtarisht bardhekuq!
Sulmuesi brazilian ka arritur marrëveshjen me klubin dhe është zyrtarisht lojtar i Skënderbeut.
27 vjeçari me një eksperiencë të pasur në Superligën Finlandeze, ka hedhur firmën në kontratë dhe është bashkuar me grupin në seancën stërvitore, shkruan klubi korçar.
Kujtojmë se Skënderbeu do të luajë ditën e sotme në transfertë ndaj Partizanit, sfidë e vlefshme për javën e 20-të të Superiores. Duel ky që do të zhvillohet në “Arenën e Demave” në orën 17:00.
