18 gushti është larg, por ajo disfatë, ajo humbje e rëndë 3-0 kundër Veronës në Bentegodi, ende thumbon. Ishte një Napoli në agimin e kurës së Conte dhe ai hap i gabuar ndezi menjëherë dritën e kuqe të urgjencës.
Ishte pikërisht ai moment ku nisi rruga që i ka sjellë napolitanët deri në këtë pikë. Tani Napoli është në krye të tabelës, por Conte duhet të merret me rastin Kvaratskhelia, të cilin trajneri jo vetëm që nuk e fshehu, por e bëri publike pa i kursyer fjalët: “Kvaratskhelia kërkoi transferimin, fola me të dhe ma konfirmoi, unë jam i zhgënjyer”.
“Jam i zhgënjyer, nuk kam mundur ta bind për projektin tonë, por tani po bëj një hap prapa. Nuk mund të detyroj askënd të qëndrojë, nëse nuk largohet, ta kemi të qartë, nuk do të jetë me vullnetin tim”.
