Thiago, Mateo dhe Ciro janë emrat e tre fëmijëve të Lionel Messit. Ambicia dhe krenaria për të pasur një ditë në radhët e një skuadre një nga këta trashëgimtarë të 8 herë fituesit të “Topit të Artë” është me të vërtetë magjepsëse.
Djali i madh, Thiago, është vetëm 13 vjeç, ndërsa Mateo dhe Ciro janë të lindur në vitet 2015 dhe 2018, kështu që ka ende shumë kohë për të parë nëse do të zhvillohen në nivele të mëdha. Ndërkohë, mes Argjentinës, Spanjës dhe madje edhe SHBA ka spekulime për të ardhmen e këtyre tre djemve të “Pulga”.
Dy kombëtare duken si më të mundshmet për të ardhmen e tyre, sipas “L’Interista.it”:
“Spanja, pasi është vendi ku ata lindën dhe u rritën gjatë periudhës së gjatë të qëndrimit të Messit te Barcelona, dhe natyrisht Argjentina, vendi i origjinës së tyre”.
Sidoqoftë, duke pasur parasysh që Messi tani luan në MLS me Inter Miami, nuk është e pamundur që një ditë fëmijët e tij të veshin fanellën e SHBA. Për këtë çështje ka folur Mauricio Pochettino, trajneri i kombëtares amerikane:
“E pamundur. Të kesh Messin në ekip është ëndrra e çdokujt.
Me gjakun argjentinas që kanë në vena, do të jetë e vështirë për ta të zgjedhin një rrugë tjetër përveç asaj të Albiceleste”.
