UEFA vazhdon që tu besojë ndeshje të rëndësishme arbitrave shqiptarë në Kupat e Europës. Një skuadër gjyqtarësh shqiptarë do të vendosë drejtësi në sfidën Eintracht Frankfurt-Ferencvaros në Europa League, takim që do të luhet të enjten në mbrëmje në orën 21:00.
Enea Jorgji do të jetë arbitër kryesor i kësaj sfide, ndërsa Denis Rexha dhe Ridiger Çokaj asistenët e tij. Edhe gjyqtari i katërt i kësaj sfide është shqiptar, kjo detyrë i është besuar Eldorjan Hamitit.
Nuk është më një risi fakti që arbitrat shqiptarë përzgjidhen për të drejtuar ndeshje në Kupat e Europës, pasi pothuajse çdo javë një skuadër gjyqtarësh shqiptarë ka vendosur drejtësi në Europa apo Conference League.
