Xhek Grilish raportohet se është në konsideratën e dy klubeve të mëdha evropiane, pasi situata e tij tek Man. Siti mbetet e paqartë.
Pasi iu bashkua ‘Qytetarëve’ për 100 milionë euro në verën e vitit 2021, Grealish impresionoi me paraqitjet e tij në dy sezonet e para si futbollist i Sitit.
Sidoqoftë, pasi ndihmoi ata të kompletojnë tripletën historike në sezonin 2022/2023, sulmuesi ka humbur rëndësinë që kishte më parë tek Siti, duke bërë që të marrë pak minuta këtë sezon.
Disa prej klubeve më të mëdha në Evropë thuhet se kanë vërejtur faktin që ai nuk po aktivizohet shpesh dhe tani janë të gatshëm ta testojnë Sitin me një ofertë.
Deri më tani këtë sezon, Grilish ka bërë vetëm 21 paraqitje për Sitin në të gjitha garat, ku shumica prej tyre erdhën nga banka rezervë.
Kjo ka bërë që disa klube në Ligën Premier të shprehin interesim për transferimin e 29-vjeçarit, me raportimet që sugjerojnë se ish-klubi i tij Aston Villa është i interesuar, së bashku me Njukasëllin, Totenhamin dhe Man. Junajtedin.
Por për momentin, sipas një raportimi nga “SunSport”, dy ekipet më serioze për Grilishin janë Interi dhe Borusia Dortmund. Gjatë gjithë sezonit, Grilish ka vendosur që të mos flasë për situatën e tij të kontratës tek Siti, duke preferuar që të qëndrojë i heshtur.
