Mesfushori i Kombëtares së Shqipërisë, Kristjan Asllani ka zënë vend në ekipin më të mirë të xhiros së 21-të në Serie A.
Paraqitja e mirë e Asllanit në fitoren e Interit 3:1 ndaj Empolit, ka bërë që 22-vjeçar të futet në formacionin e javës nga “Sofascore”.
Asllani ishte ndër më të mirët tek Interi ndaj Empolit dhe është vlerësuar me notën 8.3 për paraqitjen e tij.
Ai është shqiptari i vetëm që është futur në 11-shen e javës, ndërsa njëri prej dy futbollistëve të Interit pasi edhe Nicolo Barella ka zënë vend.
Asllani këtë sezon nuk ka pasur minutazhë të madhe tek Interi, ndërsa ka shënuar 1 gol dhe ka bërë 2 asistime në 18 ndeshje të luajtura deri më tani.
