Kristina Serra ka thyer heshtjen. Gruaja e Pep Guardiolës, në proces divorci me trajnerin e Mançester Sitit pasi marrëdhënies së tyre 30-vjeçare i erdhi fundi, ka folur për herë të parë pas lajmit se ka nisur procedura e divorcit dhe ka thënë se ndihet shumë mirë.
Ajo është parë duke shëtitur e vetme në Barcelonë, një javë pas daljes së lajmit për ndarjen e bujshme të çiftit. Kristina dukej në humor të shkëlqyer, duke shfaqur edhe një stil të veçantë veshjeje, me këpucë të bardha dhe pantallona gri, ndërsa i tha një gazetari spanjoll, i cili tentoi ta pyeste për gjendjen e saj emocionale gjatë kësaj periudhe të vështirë.
“Perfecta, gracias” (Mirë, faleminderit)”, u përgjigj ajo duke shtuar se “gjithçka është në rregull”. Kur u pyet për spekulimet rreth shkakut të ndarjes, ajo zgjodhi të heshtte. Disa ditë pas publikimit të lajmit, u tha se ndarja kishte lidhje me vendimin e Pep Guardiolës për të qëndruar në Mançester edhe për dy vite të tjera.
Braziliania, e cila i kishte kaluar vitet e fundit mes Barcelonës dhe Londrës, vendosi të rikthehej në Barcelonë për t’iu përkushtuar biznesit së familjes së saj, e cila zotëron një markë mode. Çifti, i cili nga marrëdhënia e tyre prej tre dekadash, ka edhe tre fëmijë, thuhet se po ndahet në mënyrë miqësore, madje ata kaluan edhe Krishtlindjet së bashku në shtëpinë e tyre.
PANORAMASPORT.AL
