Kristjan Asllani po vuan një presion të madh te Inter.
Të gjithë në Itali theksojnë se për shqiptarin ka kritika të tepruara, i fundit që e pranoi ishte edhe Inzaghi.
Por sipas tyre, fakti që Asllani vuan kaq shumë kritika është se zëvendëson Calhanoglu dhe diferenca e tyre është e madhe për momentin.
Në këtë linjë mendimi ishte edhe legjenda e Interit, Cambiasso. “Asllani ka luajtur mirë.
Dua të përmend një rast të ngjashëm me Interin dikur. Mancini vendoste ndonjëherë mbrojtësin e djathtë Burdisso në vendin e Maicon.
Kur ndodhte kjo, Maicon mungonte. Burdisso nuk luante keq në ato raste, por nuk mund të riprodhonte dot lojën e Maicon. Tani është e pamundur të riprodhosh Calhanoglu, që për mua, është një prej më të mirëve në botë në rolin e tij.
Duke e thënë këtë, Asllani nuk po bën keq te Interi”, tha Cambiasso.
