Janë luajtur takimet e raundit të tretë të Ligës Unike në basketboll për meshkuj.
Në Grupin A, Vllaznia arriti një fitore të thellë ndaj Tiranës me shifrat 107-68. Ndeshje në sens unik, komanduar nga shkodranët, që korrën fitoren e parë në këtë turne.
Pesë lojtarë të Vllaznisë realizuan mbi 15 pikë, ku më i miri ishte Wilkins me 18 pikë. për bardheblutë u dallua Hysenagolli me 16 pikë, por që s’mjaftuan për të fituar. Në këtë grup kryeson Sigal Prishtina me 6 pikë të plota, që mundi 93-89 Golden Eagle Ylli.
Në Grupin B, kampionët e Shqipërisë të Besëlidhjes fituan në sekondat e fundit 85-84 ndaj Teutës, në një ndeshje mjaft dramatike. Të dyja skuadrat dueluan fort deri në fund për fitoren, porn ë fund triumfoi Besëlidhja, e pamposhtur.
Garrick me 23 pikë ishte shënuesi më i mirë për Besëlidhjen, duke i bërë të pavlefshmne 27 pikët e Powell për durrsakët. Lezhjanët kryesojnë këtë grup me 6 pikë të plota.
Grupi A-Raundi 3
Vllaznia – Tirana, 107-68
Sigal Rrishtina – Golden Eagle Ylli, 93-89
Renditja: Sigal Prishtina 6 pikë, Vllaznia 4 pikë, Golden Eagle Ylli 4 pikë, Tirana 4 pikë.
Grupi B-Raundi 3
Teuta – Besëlidhja, 84-85
Vëllaznimi – Bashkimi, 86-67
Renditja: Besëlidhja 6 pikë, Vëllaznimi 5 pikë, Bashkimi 4 pikë, Teuta 3 pikë.
