Paraqitjet e fundit të Ernest Muçit në radhët e Beshiktash, kanë kthyer përsëri vëmendjen nga talenti shqiptar, me klube të rëndësishme në kontinent që interesohen për të.
Paraqitja e jashtëzakonshme ndaj Atletik Bilbaos ka bindur edhe më skeptikët se Muçi mund të luajë në nivelet më të larta dhe nuk është çudi që tashmë raportohet se ka një interes konkret nga një klub britanik për të.
Sipas mediave turke, Uest Hemi, i cili tani drejtohet nga ish-trajneri i Çelsit, Graham Poter, ka kërkuar informacione për Muçin, duke shfaqur interes për nënshkrimin me futbollistin shqiptar.
Poter kërkon të përforcojë vijën e parë të londinezëve të cilët kanë shfaqur një lojë zhgënjyese në pjesën e parë të sezonit dhe sheh Muçin si një investim interesant që mund të zhvillohet nën drejtimin e tij, duke qenë një opsion për pozicione të ndryshme në repartin e avancuar.
