Ishte kthyer në Itali me besimin se do të bëhej përsëri një lojtar i rëndësishëm në një klub të rëndësishëm. Por aventura e Alvaro Moratas te Milani, duket se do të zgjasë vetëm pak muaj pasi ai po bën gati lamtumirën.
Lajmi i bujshëm është shpërndarë me shpejtësi në mediat italiane që kanë zbuluar se Morata është në bisedime të avancuara me Gallatasarajin dhe po bëhet gati t’i bashkohet kësaj skuadre në pjesën e mbetur të sezonit për të vazhduar më pas karrierën atje.
Pritet që dy klubet të arrijnë akordin, për huazimin me të drejtë blerje në fund të sezonit, ndërsa Morata do të udhëtojë drejt Turqisë që në orët e ardhshme për të nënshkruar për klubin e tij të ri. Ai pritet të marrë atje vendin e lënë bosh nga Mauro Ikardi, i cili është i dëmtuar dhe do të qëndrojë për një kohë të gjatë larg fushave të lojës, teksa nuk përjashtohet mundësia që të largohet përfundimisht nga futbolli turk.
PANORAMASPORT.AL
