Matis Tel do të vazhdojë karrierën e tij në Premier Ligë, duke i dhënë lamtumirën Bajern Mynih ku kishte spikatur në vitet e fundit. Sulmuesi francez 19-vjeçar, do të bëhet në vijim pjesë e Totenhemit, ofertën e të cilit e kishte refuzuar vetëm tre ditë më parë.
Totenhemi ra dakord me Bajernin t’i paguante rreth 60 milionë euro për anësorin e sulmit i cili vlerësohet si ndër lojtarët më me perspektivë të futbollit europian. Por Tel priste oferta nga klube të tjera angleze si Çelsi, Mançester Junajtid apo Arsenal, me të cilat ishte në bisedime, ndaj refuzoi Totenhemin.
Por këto oferta të tjera nuk erdhën kurrë e kësisoj, djaloshi sot bëri prapakthehu në vendimin e tij dhe ka udhëtuar drejt Londrës, për të firmosur me Totenhemin ku do të huazohet deri në fund të sezonit, me të drejtën e blerjes përfundimtare në mbyllje të tij.
PANORAMASPORT.AL
