E shtuna nuk ka qenë shumë pozitive për arbitrimin në La Liga. Një nga ato që do të lërë gjurmë dhe do të ketë pasoja për Munjiz Ruiz dhe Iglesias Vijanueva që ishte në VAR në takimin mes Espanjolit dhe Realit të Madridit.
Gazetat spanjolle janë konsultuar me të paktën dhjetë gjyqtarë dhe ish-gjyqtarë futbolli dhe të gjithë e kanë pranuar se kryesori dhe gjyqtari në VAR kanë gabuar në mënyrë trashanike që nuk kanë nxjerrë kartonin e kuq për Romeron pas një faulli brutal ndaj Mbapesë.
Reali ka shfryrë kundër arbitrimit. Por këtë herë kanë qenë dhe gjyqtarët që kanë dalë kundër kolegëve të tyre. “Është e kuqe si një mal, pa nevojën për VAR madje. Është një ndërhyrje e jashtëzakonshme dhe është një ndërhyrje për të kapur një lojtar”, tha njëri prej tyre, të cilit i duket e pabesueshme që as gjyqtari dhe as VAR-i nuk e panë se ishte e pamundur që ai të mos arrinte topin në çdo moment.
PANORAMASPORT.AL
