Bajerni ka zgjatur serinë e fitoreve në Bundesligë dhe ka shënuar suksesin e pestë në po aq ndeshje në vitin e ri 2025. Megjithatë, futbollistët në Mynih nuk janë vërtet të kënaqur pas fitores 4:3 ndaj Holshtain Kiel.
Kjo është veçanërisht për shkak të faktit se ata pësuan tre gola kundër një kandidati për rënie nga liga, dy prej tyre brenda pak minutash. Joshua Kimish, i cili theksoi pas humbjes 3-0 kundër Fejnord Roterdam se Bajern aktualisht “nuk është një ekip i lartë në Europë”, përsëriti kritikat e tij pas ndeshjes me Holshtain: “Një skuadër e mirë e bën punën e saj për 95 minuta dhe ne kemi treguar tashmë se mund ta bëjmë”, shpjegoi ai në zonën mikse të “Allianz Arena”.
29-vjeçari bëri të ditur gjithashtu se ndeshja ndaj Kilit nuk është një rast i izoluar. Mesfushori iu referua fitores 3-1 kundër Slovan Bratislavës gjatë javës: “Gjithashtu u bë pak e egër drejt fundit në ndeshjen e Champions kundër Bratislavës”.
Kapiteni i Gjermanisë e gjen problemin tek konsistenca. “Nuk është çështje cilësie. Është më shumë çështje qëndrimi. Ne nuk duhet të humbasim parimet tona. Nëse i humbasim, jemi një ekip normal. Kjo na bën të pambrojtur ndaj çdo rivali”, tha Kimish.
PANORAMASPORT.AL
