Manuel Nojer do të qëndrojë me Bajernin për të paktën një vit tjetër si pjesë e rinovimit të kontratës së tij.
Ajo që ishte konsideruar thjesht një formalitet për javë të tëra, tani u njoftua zyrtarisht nga gjigandët gjermanë të hënën. Për goleadorin Herri Kejn, qëndrimi i portierit 38-vjeçar është gjithashtu një arsye për të festuar. Anglezi tha për zgjatjen e kontratës së shokut të tij të skuadrës:
“Ky është një lajm i madh për ne lojtarët dhe për klubin. Manu është një nga portierët më të mirë, nëse jo më të mirët që kam parë ndonjëherë”, tha Kejn.
Përpara se 31-vjeçari të transferohej në Mynih verën e vitit 2023, ai ishte në gjendje të bindte veten për cilësitë e ishportierit të kombëtares në fanellën e Totenhemit.
Aftësitë e jashtëzakonshme të Nojerit do të vazhdojnë të jenë një çelës për zhvillimin e ardhshëm të skuadrës për yllin sulmues: “Cilësitë e tij dhe personaliteti drejtues janë gjithçka që nevojitet. Jam i lumtur për të dhe shpresoj që të vazhdojmë të zhvillohemi si skuadër”, tha Herri, i cili dëshiron të festojë më në fund titullin e parë madhor të karrierës së tij së bashku me portierin botëror në fund të sezonit.
Përveç anglezit, euforinë e tyre për zgjatjen e kontratës së 38-vjeçarit e kanë shprehur së fundmi edhe anëtari i bordi Maks Eberl dhe drejtori sportiv Kristof Frojnd. Në Mynih, kapiteni shihet ende nga drejtuesit e Bajernit dhe shokët e tij si një komponent kyç për suksesin e rekordmenëve.
PANORAMASPORT.AL
