Historia e Berat Gjimshitit tregon saktësisht sesi fati dhe puna është e lidhur së bashku për të shkuar sa më larg në jetë.
Mbrojtësi shqiptar ishte me valixhe në duar dhe duke u larguar nga Atalanta para disa vitesh, si i padëshiruar, por papritur një prej mbrojtësve të ekipit të Gasperinit u dëmtua në stërvitje për një kohë të gjatë.
Pas kësaj dhe faktit se merkato ishte drejt fundit, Gasperini u detyrua që ta kthente Gjimshitin dhe të mos e largonte nga ekipi, përkohësisht. Pjesa tjetër është histori teksa pas ndeshjes së djeshme në Champions League kundër Club Brugge, Gjimshiti ka shkruar një faqe të historisë si legjendë e Atalantës.
Shqiptari ka kaluar kapitenin Glenn Stromberg me 273 ndeshje, ndërsa tani Berati numëron 274 ndeshje me fanellën e Atalantës.
