E shtuna ofron në RTSH Sport ndeshjen e madhe të javës së 25-të të Abissnet Superiore mes Egnatias dhe Partizanit. Për trajnerin e skuadrës kryeqytetase ky takim do të jetë një tjetër provë e vështirë për disa arsye. Fusha, mungesat e shumta dhe cilësia e rivalëve janë pengesa të forta për Partizanin, por Aleksandar Veselinoviç pranon se të besuarit e tij kanë vetëm një opsion.
“Kam respekt për Egnatian. Ata janë kampion së pari. Po luajnë shkëlqyeshëm. Janë shumë kompakt. Do të shkojmë të luajmë me to, do të përgatitemi si në çdo ndeshje.
Do të nxjerrim lojtarët më të mirë, do të jetë Partizani më i mirë i momentit. Nëse numëroj kartonat dhe dëmtimet do të humbja shumë kohë. Jam i sigurt që do të jemi të motivuar”, tha trajneri i Partizanit.
