Nejmar ka rigjetur rrugën e rrjetës prej më shumë se një viti për shkak të dëmtimit të tmerrshëm të gjurit që dëmtoi edhe përvojën e tij në Arabinë Saudite, te Al Hilal. Sulmuesi brazilian shënoi me penallti në fitoren 3-1 të Santosit në kampionat. Pas triumfit ai foli para mikrofonave të TNT Sports BR.
“Mos u shqetësoni. Duhet të qëndrojmë të qetë. Ky është vetëm fillimi i një epoke të madhe për Santos. Nuk doja të firmosja një kontratë të gjatë, sepse nuk e dija nëse do të kthehesha, nuk e dija se si do të ndihesha duke luajtur. Unë mendoj se çdo gjë mund të ndodhë. Kontratën që bëmë, e bëmë duke menduar jo vetëm mes nesh të dyve. Njëri po ndihmon tjetrin. Santos po më ndihmon, më ka hapur dyert për të rizbuluar futbollin dhe gëzimin.
Santos e di dashurinë që kam për këtë klub, respektin që kam. Ndërsa jam në fushë, ku më pëlqen të jem më shumë, do të jap 100%. Jam i kënaqur me ndeshjen që luajtëm, të gjithë duhet të jenë të lumtur. Ndihem i lumtur sepse po luaj gjithnjë e më shumë minuta, po përmirësohem fizikisht. Është e qartë që nuk jam ende 100% sepse kam luajtur vetëm katër ndeshje, por jam duke u përmirësuar”, deklaroi ai.
PANORAMASPORT.AL
