Vetëm një objektiv: të fitojë. Milani nuk ka alternativa të tjera për të kompensuar humbjen në Roterdam dhe për t’u kualifikuar në fazën e 16-shes kundër Feyenoord. Me Conceiçao në Portugali për funeralin e ish-presidentit të Porto, Pinto da Costa, ishte Zlatan Ibrahimovic ai që prezantoi ndeshjen e kthimit.
“Pres një Milan më konkret, agresiv, me një mentalitet dhe qasje për një finale. Të fitojmë, për të ecur përpara”.
“Champions League është i rëndësishëm. Milani ka shkruar histori, është një ndeshje që ne e duam dhe duhet ta fitojmë. Kur Milan luan, duhet të jetë i pranishëm në Champions, punojmë për të sjellë rezultate, për të fituar”.
“Të gjithë i donin këta 4 sulmues, kur janë të pranishëm duan t’i ndryshojnë. Kjo është një pyetje për trajnerin që i fut në fushë. Ne duam të fitojmë, 11 që luajnë dhe ata që hyjnë duhet të bëjnë një punë të mire”.
“Këto momente janë të bukura. Kur ka shumë në tavolinë dhe shumë rrezik, është momenti më i mirë që mund të ketë një futbollist. Më pas varet nga mënyra se si e përjeton në fushë, por të bën të kujtosh se kush je”.
