Ish-sulmuesi i Skënderbeut dhe Laçit në elitën e futbollit shqiptar, Serxhio Zhunior, është rikthyer te goli pas plot 14 muajsh “agjërim”.
Ai gjeti rrugën e rrjetës me fanellën e Karagumruk, në Ligën e Parë turke. 29-vjeçari u rikthye në futbollin turk, pas aventurës jo fortë pozitive në Brazil me Vasko de Gamën dhe Criciumën.
Futbolli turk është një njohje e vjetër për Serxhio Zhuniorin, i cili spikati te skuadra e Giresunspor, për disa sezone, nga ku më pas kaloi te Vasko de Gama.
Veç Skënderbeut dhe Laçit, ai është aktivizuar edhe në futbollin e Maqedonisë së Veriut me Rabotniçkin dhe Shkupin.
Kjo është ndeshja e tij e katërt në këtë sezon me fanellën e Karagumrukut, ku gjeti edhe rrugën e rrjetës. Ekipi i ri i sulmuesit brazilian mban vendin e dytë në renditje.
Hera e fundit që Serxhio Zhunior kishte shënuar ishte dhjetori i vitit 2023 me fanellën e Vasko de Gamës.
GOLI I SERXHIO ZHUNIOR: VIDEO
PANORAMASPORT.AL
