Neymar u rikthye për të shënuar në një ndeshje zyrtare pas 502 ditësh dhe këtë e bëri me fanellën e Santos, ku nisi gjithçka. Një histori me një shije romantike pas peripecive të ndryshme, duke përfshirë dëmtime dhe polemika, ajo e kampionit brazilian që së fundmi ripërqafoi klubin që e nxori i pari në dritë.
Takimi i fundit me golin për numrin 10 daton në tetor 2023, me Al-Hilal. Goli i shumëpritur mbërriti në ndeshjen e kampionatit Paulista kundër Agua Santa, një klub i Serisë D, pasi ‘O Ney’ fitoi një penallti dhe e ktheu në gol. Braziliani tha se ishte entuziast, megjithëse predikonte qetësi: “Jam i lumtur, por dua t’i bëj gjërat me qetësi…”.
“Shpresoj që të jetë fillimi i një epoke të madhe për Santos. Ju e dini dashurinë që kam për këtë klub, për sa kohë që jam këtu do të jap gjithmonë 100%, – tha braziliani i cili më pas zbuloi detaje për kontratën e tij – Unë nënshkrova një kontratë për vetëm gjashtë muaj, sepse doja t’i bëja gjërat me qetësi. Ne po ndihmojmë njëri-tjetrin. Këtu po më ndihmojnë të rizbuloj gëzimin e të luajturit futboll”.
“Nuk doja të bëja një kontratë të gjatë sepse nuk e dija se si do të ndihesha dhe çfarë do të ndodhte në këta muaj. Unë dua të bëj gjithçka me qetësi, pak nga pak. Ndërkohë, jam i lumtur për golin dhe sepse ndjej se gjendja ime fizike po përmirësohet”.
