Tashmë është edhe zyrtare, Tedhër ka blerë një pakicë të aksioneve të Juventusit. Kompania e kripovalutave ka blerë më specifikisht 5% të aksioneve bardhezi dhe tashmë ka të drejtë vote në asamble. Vlera që Tedhër ka blerë në treg është e vlefshme me rreth 75 milionë euro.
Por ky nuk është i vetmi lajm që vjen pas hyrjes së Tedhër në aksionet e “Zonjës së Vjetër”. Lajmi për hyrjen e Tedhër ka bërë gjithashtu që aksionet e Juventusit të rriten ndjeshëm në bursë. Vetëm ditën e djeshme aksionet e klubit bardhezi janë rritur me 4.31% duke rritur njëkohësisht vlerën e gjithë klubit.
Në total vlera e Juventusit në bursë është rritur me 24.5% që kur dolën thashethemet e para se Tedhër do të investonte. Praktikisht më 12 shkurt vlera e Juventusit ishte 887 milionë euro në bursë, ndërsa sot vlera ka shkuar në 1.1 miliardë euro. Një tregues i qartë se Tedhër po ndikon për mirë te “Zonja” që në ditët e para.
PANORAMASPORT.AL
