Besnik Hasi u tradhëtua nga nervat dje, ndërsa u përplas verbalisht me një tifoz. Ekipi i Meshelen u barazua në kohën shtesë nga St. Truiden. Pas sfidës tifozi nga shkallët e stadiumit provokoi Hasin, që nuk e kurseu më pas.
Ishte e nevojshme ndërhyrja e lojtarëve dhe stafit, për të qetësuar trajnerin shqiptar. Pas ndeshjes së luajtur në elitën e futbollit belg, Hasi deklaroi:
“Tifozët kanë të drejtë. Nuk luajtëm mirë sot dhe rrjedhimisht nuk jemi mirë as përsa i përket pikëve. Por mendoj se duhet të qëndrojmë bashkë, nuk ka rrugë tjetër.
Nëse vendos presion te skuadra, nuk na ndihmon. Tifozët kanë gjithmonë të drejtë. Ata na mbështesin neve, edhe kur nuk po luajmë mirë”, u shpreh tekniku 53-vjeçar.
PANORAMASPORT.AL
Teilen:
