Kristjan Asllani pritet të luajë titullar edhe në Kupën e Italisë, aty ku Interi sfidon Lazion për çerekfinalen.
Mesfushori i Shqipërisë, luajti nga minuta e parë ndaj Genoas ku zëvendësoi Hakan Calhanoglu.
Futbollisti 22-vjeçar duket se ka bindur trajnerin Simone Inzaghi, i cili e ka projektuar sërish titullar.
Muaji shkurt ishte i vështirë për Asllanin, i cili përveç ndeshjes me Genoan, në takimet e tjera minutat i pa pasur me pikatore.
Këtë sezon në Serie A, Asllani numëron 15 ndeshje të luajtura, ku ka dhënë edhe dy asiste. Ai gjithashtu është aktivizuar më shumë se sezoni i kaluar, edhe në Kupë e Ligën e Kampioneve. Shqiptari ka shënuar një gol, ndaj Udinese-s në Kupën e Italisë.
