Milani ka marrë një goditje të rëndë në luftën për të siguruar zonën Champions, që është objektivi i kuqezinjve për këtë edicion, pasi është mundur në transfertë përballë Bolonjës, një rivali direkt në ndeshjen e prapambetur që nga java e 9-të e Serisë A.
Në një sfidë shumë delikate për të dy skuadrat, ishte ekipi vendas që diktoi ritmin, por me miqtë që shënuan në fundin e pjesës së parë me Leaon. Në fillimin e të dytës, erdhi shpejt barazimi me anë të Kastro, ndërsa Bolonja nuk reshti sulmet duke qenë më kërkuese se skuadra e Konseisaos.
Në fund, Ndoj gjeti hapësirën para Menja për të shënuar golin e fitores 2-1, që ngjit Bolonjën në vendin e 6-të, ndërsa lë Milanin në vendin e 8, jashtë zonës së Europës e 8 pikë larg asaj të Champions.
BOLONJA-MILAN 2-1
48′ Kastro, 82′ Ndoj / 43′ Rafael Leao
Goli i Ndoj (VIDEO)
Goli i Kastro (VIDEO)
Goli i Rafael Leao (VIDEO)
FORMACIONET ZYRTARE
BOLONJA (4-2-3-1): Skorupski; De Silvestri, Kazale, Beukema, Miranda; Frojler, Ferguson; Ndoj, Fabian, Dominguez, Kastro.
Trajner: Vinçenco Italiano.
MILAN (4-2-3-1): Menja; A. Himenez, Çau, Pavloviç, Teo Hernandez; Fofana, Reijnders; Musah, Zhoao Feliks, Rafael Leao; S. Himenez.
Trajner: Serxho Konseisao
PANORAMASPORT.AL
