Trajneri veteran, Claudio Ranieri, i cili tashmë e drejton Romën, ka folur për ndeshjen e “vështirë” që e pret ndaj Comos.
Como e cila për momentin ka trajner Cesc Fabregasin, ka hyrë në elitën e futbollit italian këtë sezon pas disa vitesh mungesë, duke treguar futboll të bukur e të guximshëm.
Së fundmi, Como e Fabregasit e mposhti Napolin, duke ia humbur vendin e parë në tabelë.
E për Comon, fjalë të mëdha ka pasur edhe trajneri veteran, Ranieri, i cili tha fjalët më të mira për skuadrën e drejtuar nga trajneri spanjoll.
“Të luash ndaj Comos është sikur të shkosh te stomatologu pa anestezion”, tha ai fillimisht.
“Unë mendoj se Como tani është sikur Parma në vitet e 90-ta. Janë shumë të mirë dhe na duhet të jemi shumë të kujdesshëm”, shtoi Ranieri.
“Të dielën takohemi me Comon. Le t’i shikojmë çfarë ekipe të mirë kanë. Kanë Nico Pazin, çfarë fenomeni, po ashtu edhe Diaon”, tha trajneri italian.
Të dielën, me fillim nga ora 18:00, Roma do t’i bëj konak Comos, për ndeshjen që luhet në kuadër të Serie A-së.
