Kapiteni i Mançester Junajtidit, Bruno Fernandesh, bëri një deklaratë pas fitores 3-2 ndaj Ipsuiçit, sikur vuri në dyshim stilin e lojës së Ruben Amorimit, duke pranuar se në momente të caktuara jo nuk po funksionon.
“Djajtë e Kuq” vuajtën mbrëmjen e së mërkurës, pasi mbetën me 10 lojtarë. Patrik Dorgu mori një karton të kuq direkt për një ndërhyrje të rrezikshme ndaj Omari Huçhinsonit pak para pjesës së parë.
“Unë dhe Meguajër i kemi praktikuar prej kohësh goditjet standarde dhe zbatuam atë për të cilën jemi stërvitur. Në momente mund të ndjeheni se nuk po funksionon, por për disa arsye trajneri dëshiron që ne ta bëjmë këtë. Nëse ai dëshiron që ne ta bëjmë këtë, ata (kundërshtarët) na shikojnë për shumë ndeshje dhe përgatiten”.
Duke pranuar se skuadra e tij, e cila ka humbur 12 nga 27 ndeshjet e tyre deri më tani këtë sezon në Premier Ligë po vuan, mesfushori portugez tregon se çfarë mendon se i mungon Mançester Junajtidit në fushën e futbollit:
“Momenti është ai që është. Ne kemi vuajtur, e dimë këtë. Nuk kemi qenë në maksimumin tonë. Ne shënuam nga dy goditje standarde dhe ishim në kontroll të plotë të lojës, duke luajtur mes linjave, duke gjetur hapësirat”.
PANORAMASPORT.AL
