Juventusi ka siguruar sot fitoren e pestë radhazi në Serinë A, duke u kthyer plotësisht në garën për titullin kampion kur kanë mbetur edhe 11 ndeshje deri në mbyllje të sezonit.
Skuadra e Tiago Motës ka mundur me rezultatin 2-0 Veronën në një ndeshje të dominuar plotësisht, por ku nuk munguan edhe drithërimat. Bardhezinjtë krijuan rast pas rasti në pjesën e parë, të ndalur nga mbrojtja dhe Montipo në formë të shkëlqyer. Megjithatë, në fundin e pjesës së parë ishte VAR-i që i shpëtoi nga disavantazhi pas kryeveprës së Suslov, të anuluar për pozicion jashtë loje.
Në pjesën e dytë vazhdoi seria e rasteve të humbura para portës, derisa erdhi goditja e shkëlqyer e Turam, i cili i dha avantazhin Juventusit. Bardhezinjtë më pas ia dolën të administronin lojën dhe në fund gjetën edhe shifrat e 2-0 me anë të Kopmeiners.
Rezultati e kthen Juventurin në vendin e katërt, vetëm 6 pikë larg Interit të vendit të parë.
JUVENTUS-VERONA 2-0
72′ Turam, 90′ Kopmainers
Goli i Kopmainers (VIDEO)
Goli i Turam (VIDEO)
Goli i anuluar i Suslov (VIDEO)
FORMACIONET ZYRTARE
JUVENTUS (4-2-3-1): Di Gregorio; Ueah, Gati, Kelli, Kambiaso; Lokateli, Turam; Jilldiz, MekKeni, Niko Gonzalez; Kolo Muani
Trajner: Tiago Mota
VERONA (3-4-2-1): Montipo; Davidovic, Kopola, Valentini; Faraoni, Duda, Niase, Tçatçua; Suslov, Livramento; Sarr.
Trajner: Alberto Bertolini
PANORAMASPORT.AL
