Alesandro Bastoni është një nga mbrojtësit më të fortë në Europë. Kudo që ta vendosësh, tërheq me vete topat si magnet. Në Roterdam luajti si lojtar krahu në të majtë dhe preku sferën 89 herë. Askush nuk ka bërë më mirë sesa ai.
Pati një rast të rrezikshëm për gol dhe prodhoi aksionin e golit të dytë. Ai shkëlqen edhe kur nis topat në thellësi për lojtarët që depërtohen ashtu si në “Bentegodi” për Turamin. Është një mbrojtës qendror me numra organizatori.
Është i gjatë, por kjo nuk e pengon që të ketë kontroll topi të mirë. Mediat italiane kanë hapur një sondazh duke pyetur nëse është mbrojtësi më i mirë i Champions-it në këtë sezon dhe ka grumbulluar 64.7% të votave.
Sigurisht që sondazhi në një media italiane nuk është shumë objektiv. Në vendin e dytë është Van Dajk dhe i treti është Rydiger sipas lexuesve të “Gazzetta dello Sport”. Megjithatë ai e di shumë mirë që duhet të përmirësohet në disa aspekte dhe të jetë pak më i “egër” kur duhet që të luftojë në lojën një kundër një.
PANORAMASPORT.AL
