Trajneri Vincent Kompani, në një konferencë për shtyp të premten, tha se Urbig do të bëjë debutimin e tij të parë për bavarezët kundër Bohum në Bundesligë sot.
“Nuk dua të bëj ndonjë presion të madh te Jonas. Ai ka bërë gjithçka siç duhet deri më tani në stërvitje dhe në ndeshje. Kjo duhet t’i japë atij besim. Ne kemi besim për ndeshjet e ardhshme se ai mund të përballet me gjëra të tilla si në stërvitje.
Dhe nëse jo, pa stres. Ka talent dhe besimin tonë”. I anashkaluar me një fije muskulore të grisur, Manuel Nojer do të jetë jashtë të paktën deri në pushimin ndërkombëtar të këtij muaji.
“Unë supozoj se Manuelit do t’i duhet kohë deri në pushimin ndërkombëtar për t’u rikuperuar. Por ne nuk e dimë. Mund të zgjasë më shumë. Ne jemi të kënaqur që po vjen një pushim, mendoj se do të na ndihmojë”, tha Kompani.
Ai foli shkurtimisht edhe për Goreckën: “Futbolli është gjithashtu punë e përditshme, kështu që ai shfrytëzoi shansin e tij dhe është një faktor shumë i rëndësishëm për ne. Do të shohim se çfarë do të sjellë e ardhmja. Jemi të lumtur që e kemi Goreckën, sepse aktualisht po bën shumë mirë dhe është një faktor i rëndësishëm për ne.
Përsa i takon rivalit, jemi përgatitur maksimalisht dhe ka optimizëm në gjirin tonë. E dimë që Bohumi luan fortë fizikisht dhe mbrohen thellë në prapavijë, por kam besimi te ekipi se do ia dalim, e pasur me fitore”, përfundoi belgu Kompani.
PANORAMASPORT.AL
