I shitur nga Juvja gjatë verës për 15 milionë euro, Din Hauzen është bërë menjëherë një shtyllë e Bërnmëthit. Megjithatë, ndarja me Juventusin duket se i ka mbetur peng mbrojtësit që ka “sulmuar” bardhezinjtë në një prononcim për “Marca”.
“A ka vepruar klubi bardhezi keq me mua? Ndoshta. Shkova në huazim te Roma, u ktheva, dhe mund ta kuptoj që qëllimi ishte të më shisnin pasi mund të sillja para. Por, kam ardhur ditën e parë pas pushimeve dhe më thanë që duhet të largohesha.
Shtuan se nuk do më detyronin. Pastaj e bënë këtë duke më bërë të stërvitesha vetëm. Ishte pak e keqe sepse isha atje prej 3 vitesh. Doja vetëm të provoja të luaja me ekipin e parë”, tha Hauzen.
PANORAMASPORT.AL
