Adrien Rabio ka përjetuar një natë shumë të errët në Paris këtë të diel, kur Olimpik Marseja e tij u ndesh me PSG-në. Skuadra vendase fitoi 3-1 në “Parc des Princes”, një stadium ku mesfushori i rritur pikërisht te parisienët është pritur si armik nga tifozeria.
Fyerjet verbale dhe parullat nuk kanë munguar gjatë gjithë ndeshjes, me klubin e PSG që nuk ndali tifozët të hapnin një të tillë që i adresohej atij dhe të ëmës, Veronik, e cila është njëkohësisht edhe menaxherja e lojtarit. “Besnikëri për burrat, tradhti për ku*vat. SI e ëma, dhe i biri”, shkruhej në një parullë të madhe që u lejua të hapej në tribunë.
Vetë Rabio ka reaguar me një postim në rrjetet sociale, ku ka fajësuar direkt presidentin e PSG, Naser Al Khelaifi si përgjegjës. “Të fyesh një nënë dhe një baba të ndarë nga jeta… Çdo gjë ka një çmim, një ditë”, shkruante ai në një mesazh të publikuar në rrjetet sociale. “Naser, mund të kesh të gjithë paratë e botës e ndoshta më shimë, por klasi nuk mund të blihet”, ishin fjalët e tij ndaj presidentit të PSG-së.
PANORAMASPORT.AL
