Rikthimi i Thibaut Courtois te Belgjika, sigurisht që nuk është një ngjarje e izoluar.
Portieri i Realit të Madridit, i cili kishte debatuar me trajnerin e mëparshëm, Domenico Tedesco dhe iu përgjigj thirrjes së Rudi Garcias, shpjegoi në një konferencë për shtyp se çfarë ka ndodhur muajt e fundit:
“Ka pasur shumë keqkuptime dhe gjëra të padrejta, ka pasur keqinformime për atë që ndodhi. Problemi i shiritit nuk ishte i vetmi. Gjatë mungesës sime kam pasur kontakte me shumë bashkëlojtarë”.
Marrëdhënia me Tedescon: “Jam i lehtësuar, tani i kemi zgjidhur të gjitha problemet. Gjithçka është sqaruar dhe mund të shohim përpara.
E di që kam bërë disa gabime, nuk kam qenë 100% gati në atë kohë.
Dhe kur prishet marrëdhënia me një trajner, gjithçka bëhet më e vështirë. E di që nuk kam një karakter të lehtë, por kisha ndjesinë se nuk më respektonte. Ndonjëherë shkojmë shumë larg, por mendoj se duhet të qëndrojë brenda dhomës së zhveshjes.
Gjithçka duhej të zgjidhej brenda. Unë jam fitues dhe them atë që mendoj, ndonjëherë reagon emocionalisht dhe shkon shumë larg”.
“Kur trajneri tha se kishte bërë gjithçka për të më kthyer mua, nuk ishte e vërtetë.
Edhe shtypi u përpoq të fliste për këtë temë dhe mendoj se ishte më mirë të mos thuhej asgjë”.
